सर्लाही । सर्लाहीको बागमती नगरपालिकाबाट नियन्त्रित लागूऔषधसहित तीन जना पक्राउ परेका छन् ।
पक्राउ पर्नेमा बागमती नगरपालिका– ७ निमिचोक बस्ने ३५ वर्षीय मोहन बहादुर योञ्जन समेत ३ जना रहेको प्रहरीले जनाएको छ । उनीहरुलाई नियन्त्रित लागूऔषध ओनेरेक्स १ सय मिलिलिटरको ७ बोतल, कोडेडाइल– टि १ सय मिलिलिटरको ३ बोतल सहित ३ जनालाई सोमबार बिहान पक्राउ गरिएको हो ।
जिल्ला प्रहरी कार्यालय सर्लाही समेतबाट खटिएको प्रहरीले मोहन बहादुरको घर तलासी गर्दा उक्त लागूऔषध फेला पारी उनीहरूलाई पक्राउ गरेको र साथै प्रहरीले उनीहरूले प्रयोग गरेको २ थान मोटरसाइकल समेत बरामद गरेको प्रहरीले जनाएको छ ।
प्रहरीका अनुसार यस सम्बन्धमा आवश्यक अनुसन्धान भैरहेको छ ।
