रुकुम पश्चिम । रुकुम पश्चिममा आफ्नै श्रीमानको हत्या गरेको आरोपमा श्रीमती पक्राउ परेकी छन् ।
४० वर्षीय श्रीमान मधु कुमालको हत्या गरेको आरोपमा चौरजहारी नगरपालिका– २ बिजयश्वरी बस्ने ३२ वर्षीया दिपा कुमाललाई प्रहरीले पक्राउ गरेको हो ।
दिपाले विवादको क्रममा दाउराको चिरपट प्रहार गर्दा मधुको घटनास्थलमै मृत्यु भएको प्रहरीले जनाएको । घटनाको विषयमा सूचना प्राप्त हुनासाथ हुनासाथ इलाका प्रहरी कार्यालय चौरजहारीबाट खटिएको प्रहरीले उनलाई पक्राउ गरेको हो ।
यस घटनाको विषयमा आवश्यक अनुसन्धान भैरहेको प्रहरीले जनाएको छ ।
