बैतडी । बैतडीबाट भरूवा बन्दुकसहित दुई जना पक्राउ परेका छन् ।
पक्राउ पर्नेमा जिल्लाको दशरथचन्द नगरपालिका– ९ लमौता बस्ने ३६ वर्षीय तारा दत्त जोशी र ४३ वर्षीय महेश दत्त जोशी रहेका छन् । उनीहरुलाई भरूवा बन्दुक १ थान सहित प्रहरीले पक्राउ गरेको हो ।
प्रहरीका अनुसार प्रहरी चौकी नागार्जुनबाट खटिएको प्रहरीले उनीहरूलाई उक्त बन्दुक सहित पक्राउ गरेको हो ।
यस सम्बन्धमा आवश्यक अनुसन्धान भैरहेको प्रहरीले जनाएको छ ।
