काठमाडौं । काठमाडौं महानगरपालिका– १५ डल्लु पुलस्थित सडकबाट स्रोत नखुलेको नगद ८ लाख रूपैयाँ सहित एक जना पक्राउ परेका छन् ।
पक्राउ पर्नेमा सोही महानगरपालिका– ८ पशुपति घर बताउने २५ वर्षीय अभय प्रधान रहेको प्रहरीले जनाएको छ ।
प्रहरीका अनुसार प्रहरी वृत्त स्वयम्भूबाट खटिएको प्रहरीले कालिमाटीबाट बालाजुतर्फ आउँदै गरेको बागमती प्रदेश ०२– ०३१ प ५१४८ नम्बरको स्कुटरलाई जाँच गर्ने क्रममा स्कुटरको डिकीबाट उक्त नगद फेला पारी चालक अभयलाई पक्राउ गरेको हो ।
उनलाई थप अनुसन्धानको लागि राजस्व अनुसन्धान विभाग हरिहर भवन ललितपुर पठाइएको प्रहरी वृत्त स्वयम्भूले जनाएको छ ।
