काठमाडौं । त्रिभुवन अन्तर्राष्ट्रिय विमानस्थलमा जहाजको सिटमा एक किलो बेवारिसे सुन फेला परेको छ ।
बुधवार बिहान भारतको नयाँ दिल्लीबाट आएको इन्डिगो एयरको फ्लाइट ६ इ ११५१ इन्डिको न्यारोबोडी जहाजको सिटमा एक किलो ७० ग्राम सुन बेवारिसे अवस्थामा फेला परेको हो ।
इन्डिगो एयरको सिट नम्बर २७ चार्लीको पछाडी र २८ चार्लीको अगाडी रहेको सिटमा रहेको पकेटको तलपट्टी कालो र सेतो रङको टेपले बेरिएको बेवारिसे अवस्थामा सुन फेला परेको त्रिभुवन विमानस्थल कार्यालयका प्रमुख एसएसपी कृष्णहरी शर्मा पोखरेलले जानकारी दिए ।
जसमा तीन थान सिक्रि, ६ वटा आयाताकार टुक्रा, त्रिभुज आकारका दुई वटा टुक्रा र दुई वटा सिक्री जोड्ने रिङ गरी जम्मा १ किलो ७० ग्राम सुन फेला परेको हो । उक्त सुनबारे प्रहरीले थप अनुसन्धान गरिरहेको जनाइएको छ ।
