काठमाडौं । धादिङका प्रहरी प्रमुख गौतम केसीलाई प्रहरी प्रधान कार्यालय तानिएको छ ।
केन्द्रीय प्रहरी प्रवक्ता दानबहादुर कार्कीका अनुसार केसीलाई प्रहरी प्रधान कार्यालय तानिएसँगै उनको स्थानमा दीपेन्द्र शाहीलाई पठाइएको छ । झ्याप्ले खोलामा पहिरो गएपछि ४८ घण्टापछि मात्रै थाहा भएको थियो । पहिरोमा बस र माइक्रो पुरिएपछि ३५ जनाको मृत्यु भएको थियो ।
उक्त पहिरोपछि प्रहरी प्रमुख केसी माथि प्रश्न उठेको थियो । असार ११ र १२ गते रात्री रात्रीकालिन बस सेवा सञ्चालन गर्न रोक लगाउनु भनिएता पनि त्यस क्षेत्रमा बस गुडीरहेका थिए ।
धादिङको झ्याप्ले पहिरोबाट धनजनको क्षती भएपछि गृह मन्त्रालयले सिडियो र एसपी दुवैलाई काठमाडौं झिकाएको हो । सिडियो राजेन्द्र देव पाण्डेलाई फिर्ता बोलाएर गृह मन्त्रालयले धादिङमा सुमन घिमिरेलाई पठाउने निर्णय गरेको छ ।
