काठमाडौं । मेडिकल व्यवसायी दुर्गा प्रसाईंलाई थप ५ दिन हिरासतमा राखेर अनुसन्धान गर्न अदालतले प्रहरीलाई अनुमति दिएको छ ।
जिल्ला अदालत काठमाडौंले बुधवार प्रसाईंलाई थप ५ दिन हिरासतमा राखेर अनुसन्धान गर्न प्रहरीलाई अनुमति दिएको हो । असोज ६ मा पक्राउ परेका प्रसाईंलाई विद्युतीय कारोबार ऐन– २०६३ अनुसार अनुसन्धान गर्न अदालतले यस अघि प्रहरीलाई तीन दिनको समय दिएको थियो ।
सामाजिक सञ्जालमा चरित्र हत्या गरी बोलेको आरोपमा प्रसाईंविरुद्ध साइबर ब्यूरोमा जाहेरी दर्ता भएको थियो । जाहेरी पश्चात् उनीमाथि अनुसन्धान गर्न प्रहरीले उनलाई पक्राउ गरेको थियो ।
