रूकुम पश्चिम । रुकुम पश्चिममा १३ वर्षीया बालिका बलात्कृत भएकी छन् । ती बालिकालाई जबरजस्ती करणी गरेको आरोपमा प्रहरीले ४ जना युवकलाई पक्राउ गरेको छ ।
पक्राउ पर्नेहरूमा चौरजहारी नगरपालिका– १ पुरानो बजार बस्ने ३७ वर्षीय शिखर भण्डारी, २७ वर्षीय तिलकराज गिरी, २३ वर्षीय रोमन किङ गोसाई र ३७ वर्षीय धर्मराज बिक रहेका छन् ।
उनीहरूले ती बालिकालाई चौरजहारी नगरपालिका– १ चौरजहारी बजारस्थित होटलमा जबरजस्ती करणी गरेको भन्ने खबर प्राप्त हुनासाथ जिल्ला प्रहरी कार्यालय रूकुम पश्चिमबाट खटिएको प्रहरीले उनीहरूलाई पक्राउ गरेको जिल्ला प्रहरी कार्यालय रुकुम पश्चिमले जनाएको छ ।
पक्राउ परेका युवकहरुलाई अदालतबाट म्याद लिई घटनाको विषयमा थप अनुसन्धान भैरहेको प्रहरीले जनाएको छ ।
