काठमाडौं । काठमाडौं महानगरपालिका– २२ सुन्धाराबाट स्रोत नखुलेको रकम ३८ लाख रूपैयाँ सहित एक जना पक्राउ परेका छन् ।
पक्राउ पर्नेमा चितवन भरतपुर महानगरपालिका– १५ गणेशटोल बस्ने ४८ वर्षीय माधव श्रेष्ठ रहेका छन् । उनलाई बुधबार दिउँसो प्रहरीले पक्राउ गरेको हो ।
जिल्ला प्रहरी परिसर काठमाडौंबाट खटिएको प्रहरीले उनलाई उक्त नगद सहित पक्राउ गरेको र उनको साथबाट बा.प्र.२०४८ प ८१३० नम्बरको स्कुटर र मोबाइल १ थान समेत बरामद गरिएको प्रहरीले जनाएको छ ।
प्रहरीका अनुसार यस सम्बन्धमा आवश्यक अनुसन्धान भैरहेको भछ ।
