जनकपुरधाम । जबरजस्ती करणीको अभियोगमा फरार भएका मधेश प्रदेश मुख्यमन्त्री तथा मन्त्रीपरिषद्को कार्यालयका उपसचिव रुपेश कुमार साहले प्रहरी समक्ष आत्मसमपर्ण गरेका छन् ।
प्रहरी स्रोतका अनुसार साहले गत शनिबार नै धनुषा प्रहरी समक्ष आत्मसमपर्ण गरेका हुन् । मधेश भवनस्थित सरकारी क्वाटरमा गत माघ १८ गते राती १० बजेतिर उपसचिव साहले ‘भगवानको प्रसाद’ भन्दै पेडामा नसालु पदार्थ मिसाएर खान दिएर बलात्कार गरेको उनीमाथि आरोप छ ।
पीडित महिलाले गत साता उपसिचव साहले आफूलाई बेहोस बनाएर बलात्कार गरेको भन्दै प्रहरीमा जाहेरी दिएकी थिइन् । जाहेरीपछि धनुषा जिल्ला अदालतले साहविरुद्ध पक्राउ पुर्जी जारी गरेको थियो । त्यस यता उनी फरार रहेका थिए ।
साहले पीडित महिलाको श्रीमान नभएको मोका छोपेर राती कोठमा गएर नसालु पदार्थ मिसिएको पेडा दिएका थिए । उनले प्रहरी समक्ष आत्मसमपर्ण गरेसँग यस सम्बन्धमा प्रहरीले थप अनुसन्धान प्रक्रिया अघि बढाएको छ ।
