आईसीसी विश्वकप लिग-२ अन्तर्गतको खेलमा नेपालले लगातार दोस्रो जित निकालेको छ ।
ओमानमा आज भएको खेलमा घरेलु टोलीमाथी नेपालले ११३ रनको फराकिलो जित दर्ता गरेको हो ।
नेपालले दिएको २६४ रनको लक्ष्य पछ्याएको ओमान ४० ओभरमा १५० रन जोड्दै अल आउट भयो ।
ओमानका लागि कप्तान विनयक शुक्लाले सर्वाधिक ७७ रनको योगदान दिए भने जे ओदेन्द्राले २५ तथा ओपनर जितेन्द्र सिंहले १८ रन जोडे ।
ओमानलाई सस्तैमा समेट्न नेपालका कप्तान सन्दिप लामिछाने र नन्दन यादवले समान ३-३ विकेट लिए । त्यस्तै दिपेन्द्र सिंह ऎरीले २, करण केसीले र ललित राजवंशीले समान १-१ विकेट लिए ।
यस अघि नेपालले निर्धारित ५० ओभरमा २६३ रनको योगफल तयार गरेको थियो ।
नेपालका रोहित कुमार पौडेलले ६१ रनको उत्कृष्ट अर्धशतकीय पारी खेले करण केसीले बिस्फोटक ब्याटिङ गर्दै १६ बलमा ४ छ्क्का र एक चौकाको मदतमा ४० रनको योगदान दिए ।
ओपनर अर्जुन कुमालले ४० तथा दिपेन्द्र सिंह ऎरी र इशान पाण्डेले समान ३७/३७ रन जोडे ।
यस अघि नेपालले क्यानलाई पराजित गरेको थियो ।
