झापा । झापाको दमकमा परीक्षा दिएर फर्किदै गरेकी एक बालिकामाथि गोली प्रहार भएको छ ।
प्रहरीका अनुसार उदयपुर घर भई हिमालय विद्यालयमा अध्यानरत एनिका अधिकारीमाथि गोली प्रहार भएको हो । एनिका कक्षा १२ को परीक्षा दिएर घर फर्किँदै गर्दा उनीमाथि आज दमक– ५ जेष्ठ नागरिक प्रतिष्ठान नजिकै गोली प्रहार भएको हो ।
उनको पेटमा एक राउण्ड गोली प्रहार भएको र हाल उनको लाईफ लाइन अस्पतालमा उपचार भैरहेको प्रहरीले जनाएको छ । गोली कसले र किन प्रहार गरेको भन्ने विषयमा थप अनुसन्धान भैरहेको बताइएको छ ।
