झापा । १५ वर्षीया किशोरीलाई जबरजस्ती करणी गरेको अभियोगमा झापाबाट एक युवक पक्राउ परेका छन् ।
पक्राउ पर्नेमा बुद्धशान्ति गाउँपालिका– २ जयपुर बस्ने २३ वर्षीय आयन भन्ने हर्क बहादुर धमला रहेका छन् । उनलाई बुधबार दिउँसो प्रहरीले पक्राउ गरेको हो।
धमलाले ती किशोरीलाई वैशाख १ गते राति जबरजस्ती करणी गरेको भन्ने उजुरीको आधारमा इलाका प्रहरी कार्यालय धुलाबारीबाट खटिएको प्रहरीले उनलाई पक्राउ गरेको प्रहरीले जनाएको छ।
प्रहरीका अनुसार यस विषयमा आवश्यक अनुसन्धान भैरहेको छ ।
