काठमाडौं । प्रधानमन्त्री दैवी प्रकोप उद्धार कोषमा एक अर्ब ७४ करोड ४७ लाख २७ हजार ६३४ रुपैयाँ जम्मा भएको छ ।
प्रधानमन्त्री तथा मन्त्रीपरिषद्को कार्यालयले असोज ३० गतेसम्मको विवरण सार्वजनिक गर्दै पछिल्लो एक सातामा कोषमा जम्मा भएको रकमबारे जानकारी दिएको हो ।
पछिल्लो सातामा साल्ट ट्रेडिङ कर्पाेरेसनले ६० लाख रुपैयाँ कोषमा सहयोग गरेको छ । गैर आवासिय नेपाली संघले ५१ लाख रुपैयाँ कोषमा जम्मा गरेको छ ।
त्यस्तै, नेसनल इन्सुरेन्स कम्पनीले १० लाख, विद्युत उत्पादन कम्पनीले ५ लाख ९६ हजार, राष्ट्रिय समाचार समितिले ३ लाख २६ हजार रुपैयाँ कोषमा जम्मा गरेका छन् ।
यो सातामा १० दाताहरुले कोषमा रकम दाखिला गरेको प्रधानमन्त्री कार्यालयले जनाएको छ ।
