काठमाडौं । अभिनेता निश्चल बस्नेत के घर के डेराः घर नम्बर २’ मा अनुबन्धित भएका छन् ।
दीपेन्द्र के खनालको निर्देशनमा निर्माण हुन लागेको यस चलचित्रको मुख्य भूमिकामा बस्नेतलाई अनुबन्धित गरिएको हो । यस अघि यो फिल्ममा नायक खगेन्द्र लामिछाने अनुबन्धित भएका थिए । निश्चलको प्रवेशसँगै यो फिल्मको लाइनअप बलियो बन्ने देखिएको छ ।
‘के घर के डेरा स् घर नम्बर २’ को कुरा गर्दा ए प्लस इन्टरटेन्मेन्ट र नटराज क्रियसनको ब्यानरमा निर्माण हुन लागेको फिल्मको कथा बुद्धिसागरले लेखेका हुन् । शरद श्रेष्ठ, किरण महर्जन र राजीव श्रेष्ठ निर्माता रहेको फिल्मका कार्यकारी निर्माता युवराज कार्की हुन् ।
चलचित्रको लागि अझै अन्य ४ जना कलाकारहरुलाई मुख्य भूमिकामा अनुबन्धित गर्न बाँकी रहेको निर्माण पक्षले बताएको छ । फिल्मको छायांकन साउन २५ गतेदेखि सुरु हुने जनाइएको छ ।
