काठमाडौं । अमेरिका र इरानबीच इस्लामाबादमा औपचारिक रुपमा शान्तिवार्ता सुरु भएको छ ।
अमेरिकी सञ्चार माध्यम सीएनएले सरकारी सञ्चार माध्यमलाई उधृत गर्दै शनिबार दिउँसो देखि नै तीनै देशका वार्ताकारहरु प्रत्यक्षमा रुपमा जुटेको उल्लेख गरेको छ । सुरुमा अनौपचारिक रुपमा पाकीस्तानी मध्यस्थकर्ता मार्फत् वार्ता भएको र त्यसपछि विशेषज्ञ चरण्मा प्रवेश गरेको बताइएको थियो ।
दुवै देशका अधिकारीहरुबीच इस्लामाबादस्थित पाँच तारे होटेल सेरेनामा वर्ता भैरहेको जनाइएको छ । वासिङ्गटन र तेहरानबीच सन् १९७९ को इरानी स्लामिक क्रान्तिपछि हुन लागेको यो पहिलो उच्चस्तरीय वार्ता हो ।
मार्च ८ मा पाकिस्तानको मध्यस्थतामा दुई हप्ताका लागि युद्ध विराम भएपछि आज औपचारिक वार्ता सुरु भएको हो । अमेरिकी प्रतिनिधि मण्डलको नेतृत्व उपराष्ट्रपति जेडी भान्सले गरिरहेका छन् । राष्ट्रपति डोनाल्ड ट्रम्पका ज्वाइँ तथा विशेष सल्लाहकार जेरेड कुशनर र विशेष दूत स्टीव विटकफसहितको प्रतिनिधिमण्डल वार्तामा सहभागी भएको छ ।
त्यस्तै इरानी प्रतिनिधिमण्डलको नेतृत्व संसदका सभामुख मोहम्मद बाकर कालिबाफले गरेका छन् भने विदेशमन्त्री अब्बास अराक्ची सहितको इरानी प्रतिनिधिमण्ड वर्तामा सहभागी भएको छ ।
वार्ता सुरु हुनु अघि पाकिस्तानी शहबाज शरिफले दुवै देशका प्रतिनिधिहरुसँग छुट्टा–छुट्टै छलफल गरेका थिए ।
