बिहीबार , मंसिर ४ गते २०८३    

बिहीबार , मंसिर ४ गते २०८३    

सहकारी ठगी प्रकरण

धरौटी बुझाएर रिहा भए रवि लामिछाने 

धरौटी बुझाएर रिहा भए रवि लामिछाने 

चितवनले पनि उनी जोडिएको साहारा चितवन सहकारी प्रकरणमा अनुसन्धान गरिरहेको

बुधबार, माघ २ २०८१
बुधबार, माघ २ २०८१
  • काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछाने धरौटी बुझाएर रिहा भएका छन् । 

    काठमाडौं जिल्ला अदालतका न्यायाधीश माधवप्रसाद अधिकारीको एकल इजालसले लामिछानेलाई ६० लाख धरौटीमा रिहा गर्न आदेश दिएको हो । अदालतको उक्त आदेश पश्चात् लामिछानेले बैंक ग्यारेन्टीमार्फत रकम बुझाएर रिहा भएका हुन् । 

    सहकारी ठगी प्रकरणमा पक्राउ परेका लामिछानेलाई यस अघि जिल्ला अदालत कास्कीले ६५ लाख धरौटीमा रिहा गरेको थियो । त्यसपछि लामिछाने स्वर्णलक्ष्मी सहकारी ठगी प्रकरणबारे बयान दिन जिल्ला अदालत काठमाडौंमा उपस्थित भएका थिए । 

    काठमाडौं जिल्ला अदालतमा भएको बयान र बहसपछि अदालतले उनलाई धरौटीमा रिहा गर्न आदेश दिएको हो । रविविरुद्ध इलाका प्रहरी कार्यालय, बुटवलले अनुसन्धान गरेर रायसहितको अनुसन्धान प्रतिवेदन सरकारी वकिलको कार्यालयमा बुझाइसकेको छ ।

    जिल्ला प्रहरी कार्यालय, चितवनले पनि उनी जोडिएको साहारा चितवन सहकारी प्रकरणमा अनुसन्धान गरिरहेको छ । अदालतको आदेशपछि रिहा भएका लामिछानेले सञ्चारकर्मीलाई संक्षिप्त प्रतिक्रिया दिए । 

    उनले आफू न्याय प्रक्रियामा सघाउन आएको र अदालतप्रति सम्मान रहेको बताए । ‘यो देशमा न्याय मरेको छैन, सबैलाई धन्यवाद छ,’ रविले भने ।

     

    प्रतिक्रिया दिनुहोस्
    images
    images
    लोकप्रीय
    सम्बन्धित समाचार