नेपाल प्रीमियर लिग (एनपीएल) अन्तर्गत आज भएको खेलमा चितवन राइनोजले जनकपुर बोल्ट्सलाई ४ विकेटले पराजित गरेको छ ।
त्रिवि क्रीकेट मैदानमा पहिला ब्याटिङ गरेको जनकपुरले दिएको ८९ रनको लक्ष्य चितवनले १७.२ ओभरमा ६ विकेट गुमाएर पूरा गर्यो ।
चितवनको जितका लागि डेभिड मलानले सर्वाधिक ३५ रन बनाउँदा रवि बोपाराले १३ र कुशल मल्लले १५ रन जोडे ।
बलिङतर्फ जनकपुरका लागि राहुल यादवले सर्वाधिक ३ विकेट चट्काउँदा ललित राजवंशीले २ तथा विशाल शुसलिङले एक विकेट झारे ।
त्यस्तै पहिला ब्याटिङ गरेको जनकपुरले निर्धारित २० ओभरमा ८ विकेटको क्षतीमा ८८ रन जोडेको थियो ।
यो जितसँगै चितवनको प्लेअफ यात्रा बलियो जिवितै रहेको छ भने जनकपुर एनपीएलको यो सिजनबाट बाहिरिसकेको छ ।
जनकपुरसँगै पोखरा एभेन्जर्स र कर्णाली याक्स पनि बाहिरिएका छन् ।
