पोखरा । सहकारी गठी आरोपमा पक्राउ परेका पूर्व गृहमन्त्री एवम् रास्वपाका सभापति रवि लामिछानेले सरकारले आफूलाई झुट्टा मुद्दा लगाएर फसाउन खोजेको बताएका छन् ।
आइतबार म्याद थपका लागि प्रहरीले लामिछानेलाई जिल्ला अदालत कास्की लगेको छ । त्यहाँ सञ्चारकर्मीहरुलाई प्रतिक्रिया दिँदै लामिछानेले यस्तो बताएका हुन् । उनले सरकारले झुटा मुद्धा लाएपनि आफूलाई न्यायालयप्रति विश्वास रहेको बताए ।
उनले भने, “अदालतले मलाई न्याय दिन्छ । मलाई न्यायलयप्रति पूर्ण विश्वास छ ।” उनले केपी ओली नेतृत्वको सरकार रहेसम्म झुट्टा मुद्दा लगाउने र मान्छेलाई फसाउने काम गरिरहने बताए ।
उनले भने, “ओली नेतृत्वको सरकार रहेसम्म जनताले दुःख पाइरहन्छन् । मलाई जस्तो डेढ वर्ष लगाएर केपी ओलीलाई छानबिन गर्ने हो भने सबै भन्दा बढी भ्रष्टाचारको जगमा उभिएको मानिस केपी ओली हो ।”
