काठमाडौं । पूर्व गृहमन्त्री एवम् रास्वपाका सभापति रवि लामिछानेविरुद्ध पक्राउ पुर्जी जारी भएसँगै सीआईबीको टोली रास्वपा केन्द्रीय कार्यालय बनस्थली पुगेको छ ।
सहकारीको रकम हिनामिना प्रकरणमा कास्की जिल्ला अदालतले लामिछानेविरुद्ध पक्राउ पुर्जी जारी गरहेको हो । यो सँगै उनलाई पक्राउ गर्ने तयारीका साथ प्रहरीसहित सीआईबीको टोली रास्वपा कार्यालय पुगेको हो ।
सभापति लामिछाने पक्राउ पर्ने भएपछि रास्वापको कार्यालयमा हाल रास्वपाका नेता, कार्यकर्ताहरुको भीड लागेको छ । रास्वापले लामिछानेको पक्राउ प्रतिवाद गर्न नेता कार्यकर्ताहरुलाई कार्यालयमा बोलाएको छ ।
सभापति लामिछानेले भने पक्राउ पर्नु अघि पत्रकार सम्मेलन गर्ने तयारी गरेको बुझिएको छ ।
