पोखरा । साहित्यकार प्रकट पंगेनी ‘शिव’ को निधन भएको छ ।
७० वर्षीय पंगेनीको मंगलबार दिउँसो उपचारको क्रममा मणीपाल अस्पतालमा उपचारको क्रममा निधन भएको हो । निमोनियका कारण स्वास्थमा समस्या भएपछि उनी सोमबार मणिपाल अस्पतालमा भर्ना भएका थिए । भेन्टीलेटरमा उपचार गराइरहेका उनको सोमबार दिउँसो निधन भएको अस्पतालले जनाएको छ ।
पोखरामा रहेर गजल, गीत, कविता लगायत साहित्यका विविध विधामा कलम चलाएका प्रकटले श्रृङ्गारिक गजलबाट चर्चा कमाएका थिए । उनका करिब ५ दर्जन गीत रेकर्ड भएका छन् भने ‘यो मन कतै अल्झेको छ’ , ‘जुनको चिठ्ठी जुनालाई’ गीत संग्रह प्रकाशित छन् ।
