काठमाडौं । नेपाल सरकारले एक सय रुपैयाँको नोटमा भएको तस्बीर परिवर्तन गर्ने भएको छ ।
आज बसेको मन्त्रीपरिषद्को बैठकले एक सय रुपैयाँमा रहेको पुरानो नक्सा परिवर्तन गरेर चुच्चे नक्सा राख्न राष्ट्रबैंकलाई अनुमति दिने निर्णय गरेको हो ।
अर्थ मन्त्रालयले एक सयको नोटमा रहेको तस्बीर परिवर्तन गर्ने प्रस्ताव मन्त्रीपरिषद्मा लगेको थियो । मन्त्रीपरिषद्ले उक्त प्रस्तावलाई स्वीकृत गरेर राष्ट्रबैंकलाई तस्बीर परिवर्तन गर्न अनुमति दिने निर्णय गरेको हो ।
२०७७ मा लिपुलेक, कालापानी र लिम्पियाधुरा सहितको क्षेत्र समेटेर नेपालले नयाँ नक्सा सार्वजनिक गरेको थियो ।
