काठमाडौं । राजसंस्था पुनस्थापनाका लागि जनआन्दोलन समितिका संयोजक नवराज सुवेदीलाई प्रहरीले घरमै नजरबन्दमा राखेको छ ।
उनलाई आफ्नै निवासमा नियन्त्रणमा राखिएको प्रहरी निकट उच्च स्रोतले जनाएको । स्रोतका अनुसार अनुसार उनको स्वास्थ्य अवस्थाका कारण प्रहरी कार्यालयमा नल्याइएको हो ।
सुवेदी काठमाडौं महानगरपालिका–७ स्थित कुमारीगाल बस्दै आएका छन् । अहिले प्रहरी उनको घर वरपर परिचालित छ । उनको स्वास्थ अवस्था हेरेर बाँकी निर्णय लिने स्रोतले जनाएको छ ।
राजसंस्था पुनर्स्थापनाका लागि संयुक्त जनआन्दोलन परिचालन समितिका प्रवक्ता स्वागत नेपाललाई प्रहरीले नियन्त्रणमा लिएको छ । नेपाललाई उपत्यका अपराध अनुसन्धान कार्यालयले नियन्त्रणमा लिएको हो ।
यस्तै प्रहरीले राष्ट्रिय प्रजातन्त्र पार्टी (राप्रपा) का वरिष्ठ उपाध्यक्ष नेता रविन्द्र मिश्र र महामन्त्री धवलशमशेर राणा पनि पक्राउ गरेको छ ।
