काठमाडौं । गुल्मीमा स्कुटर दुर्घटना हुँदा २ जनाको मृत्यु भएको छ ।
मृत्यु हुनेमा चन्द्रकोट गाउँपालिका- ६ का ३० वर्षीय विनोद विक र ४० वर्षीय किरण कुमार थापा रहेको जिल्ला प्रहरी कार्यालय गुल्मीका प्रहरी निरीक्षक भुपेन्द्र थापाले जानकारी दिए ।
थापाका अनुसार चन्द्रकोटको मजुवादेखी शान्तिपुर जाँदै गरेको लु १७ प १६४४ नम्बरको स्कुटर सिस्नेखोलामा दुर्घटना हुँदा विक र थापाको ज्यान गएको हो ।
मृतक दुवै जनाको शव पोष्टमार्टमका लागि जोहाङ प्राथमिक स्वास्थ केन्द्रमा राखिएको र दुर्घटनाको विषयमा थप अनुसन्धान भैरहेको प्रहरीले जनाएको छ ।
