एजेन्सी । बेलायतको कन्जरभेटिभ पार्टीको नयाँ नेतृत्वमा युवा नेतृ केमी बदेनोच निर्वाचित भएकी छन् ।
गत जुलाईमा भएको आम निर्वाचनपछि पार्टीले खराब नतिजा ल्याएपछि राजीनामा दिएका ऋषि सुनकको स्थानमा शनिवार भएको निर्वाचनमा युवा नेतृ केमी निर्वाचित भएकी हुन् ।
पार्टीको नयाँ नेतृत्वको लागि पूर्व अध्यागमन मन्त्री रोबर्ट जेनरिकसँग प्रतिस्पर्धामा उत्रिएकी बदेनोचले ५७ प्रतिशत मत प्राप्त गर्दै निर्वाचित भएकी हुन् । केमीले ५३ हजार ८०६ मत प्राप्त गरेकी थिइन् भने उनका प्रतिस्पर्धी जेनरिकले ४१ हजार ३८८ मत मात्र प्राप्त गरे ।
यो जितसँगै केमीले बेलायतका पूर्व प्रधानमन्त्री ऋषि सुनकलाई प्रतिस्थापन गरेकी छन् । पार्टीको नेतृत्वमा निर्वाचित भएपछि केमीले नेता बन्नु एउटा ठूलो सम्मान भएको तर आफूहरुका अगाडी उभिएको काम कठिन भएको प्रतिक्रिया दिइन् ।
केमी बेलायतको प्रमुख राजनीतिक दलको नेता बन्ने पहिलो अश्वेत महिला नेतृ बनेकी छन् ।
