काठमाडौं । शुक्रबार बसेको मन्त्रीपरिषद् बैठकका निर्णयहरु सार्वजनिक भएका छन् ।
सरकारका प्रवक्ता तथा सञ्चार तथा सूचना प्रविधिमन्त्री पृथ्वीसुब्बा गुरुङले आइतबार पत्रकार सम्मेलनमार्फत मन्त्रीपरिषद् बैठकका निर्णयहरु सार्वजनिक गरेका हुन् ।
सरकारले राष्ट्रिय निकुञ्ज तथा वन्यजन्तु संरक्षण ऐन, २०२९ बमोजिम नेपाल सरकारको तर्फबाट कतार सरकारलाई उपहार स्वरुप चितवन राष्ट्रिय निकुञ्जको हात्तीसारमा रहेका एक जोडी हात्ती दिने निर्णय गरेको छ । त्यस्तै सदर चिडिया खानाको व्यवस्थापनको जिम्मेवारी राष्ट्रिय प्राकृतिक संरक्षण कोषलाई हस्तान्तरण गर्ने निर्णय गरेको छ ।
संस्कृति पर्यटन तथा नागरिक उड्डन मन्त्रालय र अन्तर्गतका निकायको संगठन तथा व्यवस्थापन सर्वेक्षण गर्न पूर्वस्वीकृति प्रदान गर्ने र गृह मन्त्रालय अन्तर्गतका कारागार कार्यालयहरुको संगठन संरचना र दरबन्दी तेरिज स्वीकृति गर्ने लगायतका निर्णय गरेको छ ।
हेर्नुहोस् शुक्रबार बसेको मन्त्रीपरिषद् बैठकका निर्णयहरु
