काठमाडौं । राष्ट्रपति रामचन्द्र पौडेलले दक्षिणकाली मन्दिरमा पूजाअर्चना गरेका छन् ।
राष्ट्रपति पौडेलले आज बिहान दक्षिणकाली मन्दिरमा गएर पूजाअर्चना गर्नुको साथै पूजारीबाट टीकाप्रसाद ग्रहण गरेका हुन ।
उक्त अवसरमा दक्षिणकाली नगरपालिकाका प्रमुख मोहन बस्नेतले मन्दिर क्षेत्रमा हालैको बाढीले पारेको क्षतिको विवरण प्रस्तुत गर्दै पीडितलाई राहत तथा मन्दिर क्षेत्रको पुनःनिर्माणमा सहयोगका लागि आग्रह गरे । साथै काठमाडौं मकवानपुरको सडक छिटो पुनःनिर्माण गरी निर्वाध यातायात सञ्चालन हुनुपर्नेमा जोड दिए ।
राष्ट्रपति पौडेलले बाढी पहिरोले यस क्षेत्रमा भएको धनजनको क्षतिप्रति सहानुभूति व्यक्त गर्दै मन्दिर क्षेत्र र सडक निर्माण एवम् पीडितलाई राहतका लागि सरकारको ध्यानाकर्षण गराउने बताए ।
