काठमाडौं । नेकपा (माओवादी केन्द्र) निकट भातृ संगठन योङ कम्युनिष्ठ लिग (वाइसीएल) बाढीमा फसेकाहरुको उद्धारको लागि खटिएको छ ।
काठमाडौं उपत्यकासहित तीनै जिल्लामा वाइसीएलका वरिष्ठ उपाध्यक्ष कसम गुरुङको नेतृत्वमा १५६ जनाको टोली हाल बाढी प्रभावित क्षेत्रमा खटिएको छ । काठमाडौं र ललितपुरका विभिन्न क्षेत्रमा बाढीमा फसेकाहरुको उद्धार गरिएको उपाध्यक्ष गुरुङले जानकारी दिए ।
उनका अनुसार वाइसीएलको टोली उपत्यकामा मात्र नभएर देशैभरी उद्धारमा खटिएको छ । विपद्को बेलामा एक अर्कालाई सहयोग गर्न पनि उनले आग्रह गरेका छन् ।
बिहिवार बिहानदेखि परेको अविरल वर्षाको कारण देशका विभिन्न स्थानमा ठूलो धन, जनको क्षती भएको छ ।
