काठमाडौं । जनमत पार्टीका अध्यक्ष डा. चन्द्रकान्त (सिके) राउतले उपसभामुखलाई गलत नियतले हटाउन खोजिएको बताएका छन् ।
सरकारले संवैधानिक परिषद्मा आफ्नो बहुमत पु¥याउनको लागि उपसभामुख इन्दिरा राना मगरलाई हटाउन लागेको अध्यक्ष राउतले बताए । आफ्ना मानिसहरुलाई नियुक्त गर्नको लागि गलत नियतका साथ उपसभामुखलाई हटाउने प्रयास गरिएको राउतले बताए ।
उनले भने, “संवैधानिक परिषद्मा बहुमत पु¥याउनका लागि गलत नियतका साथ उपसभामुखलाई हटाउन खोजिएको छ । अहिले आदि–आदि भयो तीन तीन सिट भएपछि त्यहाँबाट आफ्ना मान्छेलाई नियुक्ति गर्नको लागि गाह्रो भयो भनेर हटाउनका लागि यो भैरहेको छ । जुन गलत नियतका साथ हुन्छ । त्यो पक्कै पनि गलत नै हुन्छ ।”
अध्यक्ष राउतले वर्तमान सरकार र प्रतिनिधिसभा साना दलहरुलाई खसरी सखाप पार्न सकिन्छ भन्नेमा केन्द्रीत रहेको आरोप लगाए ।
उपसभामुख राना एकदम प्रतिष्ठित र योग्य व्यक्तित्व हुनुहुन्छ भन्ने आफूलाई लागेको भन्दै अध्यक्ष राउतले उपसभामुखलाई हटाए लोकतन्त्रको मान मर्यादा नरहने बताए ।
