हेटौंडा । बागमती प्रदेशको मुख्य न्यायाधीवक्तामा शुकदेव काफ्ले नियुक्त भएका छन् ।
प्रदेश प्रमुख दीपकप्रसाद देवकोटाले आइतबार काफ्लेलाई मुख्य न्यायाधीवक्तामा नियुक्त गरेका हुन् । काफ्ले दोलखाको तामाकोशी गाउँपालिका– ३ निवासी हुन् ।
नेपालको संविधानको धारा १६० उपधारा (२) बमोजिम प्रदेशका मुख्यमन्त्री बहादुरसिं लामाको सिफारिसमा काफ्लेलाई मुख्य न्यायाधिवक्ता पदमा नियुक्त गरिएको प्रदेश प्रमुख कार्यालयका सूचना अधिकारी प्रकाश चापागाईंले जानकारी दिए ।
