काठमाडौं । परराष्ट्रमन्त्री आरजु राणा देउवा भोलि छिमेकी मुलुक भारतको औपचारिक भ्रमणमा जाने भएकी छन् ।
मन्त्री राणा भोली चार दिने भारत भ्रमणमा जाने परराष्ट्रमन्त्रालयले एक विज्ञप्ति मार्फत जानकारी दिएको छ । भारतीय समकक्षी एवम् विदेशमन्त्री एस जयशंकरको निमन्त्राणामा मन्त्री राणा भारतको भ्रमणमा जान लागेकी हुन् ।
भारत भ्रमणका क्रममा परराष्ट्रमन्त्री राणाले भारतीय विदेशमन्त्री एस जयशंकरसँग द्धिपक्षीय भेटवार्ता गर्नेछिन् । भेटमा दुई पक्षीय हितका विषयमा छलफल हुनुको साथै दुई देशबीचको सम्बन्ध बारे कुरा हुने जनाइएको छ ।
नेपालमा कांग्रेस–एमाले गठबन्धनको सरकार गठन भएपछिको नेपालका तर्फबाट हुन लागेको यो पहिलो औपचारिक विदेश भ्रमण हो । परराष्ट्र मन्त्रालयका अनुसार मन्त्री राणा बिहिवार नेपाल फर्किने छिन् ।
