काठमाडौं । संक्रमणकालीन न्याय सम्बन्धी (टीआरसी) विद्येयक आगामी मंगलबार प्रतिनिधि सभामा पेस हुने भएको छ ।
प्रतिनिधि सभाको कानुन न्याय तथा मानव अधिकार समितिले उक्त विद्येयक आगामी बैठकमा पेस गर्ने व्यवस्थाका लागि सभामुख देवराज घिमिरेलाई आग्रह गरेको हो । समितिका सभापति बिमला सुवेदी सहितको टोलीले आज सभामुखलाई भेटेर विधेयक पेस गर्ने व्यवस्था मिलाउन आग्रह गरेको हो ।
आगामी बैठकमा विद्येयक पेस गर्ने व्यवस्थाका लागि समिति सभापति सुबेदीले पत्र बुझाएपछि सभामुख घिमिरेले महत्वपूर्ण कदम भएको भनेर धन्यवाद दिए ।
यो विधेयक गत विहिबार प्रतिनिधिसभाको कानुन न्याय तथा मानव अधिकार समितिबाट दफावार छलफलसहित सर्वसम्मत रुपमा पारित भएको थियो ।
