एजेन्सी । पेरिस ओलम्पिक २०२४ को पहिलो स्वर्ण चीनले जितेको छ ।
चीन सुटिङ इभेन्टमा पहिलो स्वर्ण जित्न सफल भएको हो । चीनियाँ जोडीले १० मिटर एयर राइफलको मिश्रित विधामा यो पदक जितेका हुन् ।
कोरियाका जोह्योन केम र हार्जुन पार्कलाई पराजित गर्दै चीनका लिहाओ सेङ र युटिङ ह्याङले १० मिटर एयर राइफलको मिश्रित विधामा पेरिस ओलम्पिक २०२४ को पहिलो स्वर्ण जितेका हुन् ।
यस अघि कजाकस्तानका शूटर स्लाम सत्पायेभ र एलेक्जेन्ड्रा लेले यस ओलम्पिकमा पहिलो पदक जितेका थिए । कास्य पदकको खेलमा सत्पायेभ र एलेक्जेन्डा लेले जर्मनीका म्याक्सिमिलियन उल्ब्रिचट र अन्ना जान्सेनलाई पराजित गरे ।
