जनकपुरधाम । जनकपुरमा रेलमा च्यापिएर एक युवक गम्भीर घाइते भएका छन् ।
आज बिहान जयनगरबाट जनकपुर आउँदै गरेको रेलले जनकन्दनी गाउँपालिका– ३ महुवामा ३० वर्षीय श्रीराम दासलाई चेपेको हो । गुडीरहेको रेल चढ्ने क्रममा श्रीराम रेलको लिगमा खसेका जिल्ला प्रहरी कार्यालयका डिएसपी रञ्जन अवाले जानकारी दिए ।
डिएसपी अवाका अनुसार श्रीरामको घुडामुनीको दुवै खुट्टा काटिएका छन् भने स्थिति गम्भीर रहेको छ । हाल उनको प्रादेशिक अस्पताल जनकपुरमा उपचार भैरहेको छ ।
घटनाको विषयमा थप अनुसन्धान भैरहेको प्रहरीले जनाएको छ ।
