दाङ । दाङमा बाघको आक्रमणबाट तीन जना महिला घाइते भएका छन् ।
बाघको आक्रमणबाट तुलसीपुर– ९ वेलुवाका ४५ वर्षीया कमला केसी, ५३ वर्षीया सिता कुमारी भण्डारी र १८ वर्षीया सरीता भण्डारी घाइते भएको इलाका प्रहरी कार्यालय तुलसीपुरका प्रहरी निरीक्षक प्रकाश थापाले जानकारी दिए ।
तुलसीपुर उपमहानरपालिका– ९ स्थित नवदुर्गा सामुदायिक वनमा च्याउ टिप्न जाँदा आज बिहान उनीहरुलाई बाघले आक्रमण गरेको थियो ।
बाघको आक्रमणबाट घाइते तीनै जनाको राप्ती प्रादेशिक अस्पताल तुलसीपुरमा उपचार भैरहेको प्रहरीले जनाएको छ ।
