एजेन्सी । बेलायतमा करिब १४ वर्ष पछि लेबर पार्टीले स्पष्ट बहुमत प्राप्त गरेको छ ।
बिहिवार भएको आम चुनावको नतिजा आउने क्रममा जारी रहेको छ । हालसम्म घोषित परिणाम अनुसार लेबर पार्टीले स्पष्ट बहुमत प्राप्त गरिसकेको छ । शुक्रबार बिहानसम्म ५७५ सिटको अन्तिम परिणाम घोषणा भइसक्दा लेबर पार्टीले ३८६ सिटमा जिट हासिल गरेको बेलायती सञ्चार माध्यमले जनाएका छन् ।
त्यस्तै प्रधानमन्त्री ऋषी सुनकको कन्जरभेटिब पार्टीले जम्मा ९५ सिटमा जित हासिल गरेको छ । बेलायतमा बहुमतका लागि ३२६ सिट भए पुग्छ । गणना हुँन बाँकी रहेका स्थानमा पनि लेबर पार्टी नै अगाडी रहेकाले यस पटक कन्जरभेटिब पार्टीको १४ वर्षे शासनकाल अन्त्य हुने निश्चित भएको छ ।
बहुमत प्राप्त गरेसँगै लेबर पार्टीका केअर स्टार्मरले आफ्नो नेतृत्वमा नयाँ सरकार बनाउने छन् । बेलायती प्रधानमन्त्री ऋषि सुनकले शुक्रबार आम निर्वाचनमा सत्तारुढ कन्जरभेटिभ पार्टीले ठूलो हार बेहोरेको स्वीकार गर्दै हारको जिम्मेवारी आफूले लिने बताए ।
