काठमाडौं । नेपाली कांग्रेसका सांसद विश्वप्रकाश शर्माले बुढीगण्डकी जलविद्युत आयोजना नेपालीहरुको लगानीमा बनाउनुपर्ने बताएका छन् ।
आइतबार बसेको प्रतिनिधिसभाको बैठकमा बोल्दै नेपाली कांग्रेसका महामन्त्री समेत रहेका सांसद शर्माले बुढीगण्डकी जलविद्युत आयोजना स्वदेश तथा विदेशमा रहेका नेपालीहरुको लगानी आयोजना सम्पन्न गर्ने काम सरकारले गर्नुपर्ने बताए ।
मेरो सहभागीतामा नेपाल बन्दैछ भन्ने कुराको सन्देश दिन पनि नेपाल भित्र र बाहिर रहेका नेपालीहरुको लगानीमा उक्त आयोजना सम्पन्न गर्नुपर्ने महामन्त्री शर्माको भनाई रहेको छ ।
नेपाल बन्न सक्छ र यो उज्यालोको दिशातर्फ अगाडी बढ्दैछ भन्ने सन्देश दिन पनि सरकारले १२ मेगावाट क्षमताको सो आयोजना निर्माण गर्न ढिलाई गर्न नहुने उनले बताए ।
