धनगढी । प्राकृतिक विपद्को क्रममा हुने उद्धारको नमुना अभ्यास गर्ने क्रममा बझाङमा सशस्त्र प्रहरी जवानको मृत्यु भएको छ ।
मृत्यु हुनेमा केदारस्युँ गाउँपलिका– ७ घर भएका जवान नरेन्द्रसिंह धामी रहेको जिल्ला प्रहरी कार्यालय बझाङका डिएसपी भरत शाहले बताए । सोमबार बिहान सेती नदिमा जिल्ला स्थित सुरक्षा बलको प्राकृतिक विपद् उद्धारको नमुना अभ्यासको क्रममा धामी बेहोस भएका थिए ।
बेहोस भएका उनलाई उपचारको लागि जिल्ला अस्पताल लगिएकोमा चिकित्सकले उनलाई मृत घोषणा गरेको प्रहरीले जनाएको छ । धामी सशस्त्र प्रहरीको अनआश्रीत गुल्म बझाङमा कार्यरत थिए ।
