काठमाडौं । प्रधानमन्त्री पुष्पकमल दाहाल ‘प्रचण्ड’ र भारतीय समकक्षी नरेन्द्र दामोदारदास मोदीबीच भेटवार्ता भएको छ ।
आइतबार साँझ भएको भेटमा उनीहरुबीच नेपाल–भारतबीच रही आएको आपसी सम्बन्ध र द्धिपक्षीय हितका विविध विषयमा छलफल भएको थियो । भेटवार्तामा उनीहरुबीच विगतमा भएका समझदारी एवं सम्झौताहरुको विषयमा विचारविमर्श भएको जनाइएको छ ।
भारतीय समकक्षी मोदीको शपथग्रहणमा सहभागी हुन आइतबार नयाँ दिल्ली गएका थिए । आइतबार साँझ भएको शपथग्रहण समारोहमा उनी भएका थिए ।
प्रधानमन्त्री प्रचण्डको साथमा स्वकीय सचिव गंगा दाहाल, कानून, न्याय तथा संसदीय मामिला मन्त्री पदम गिरी, परराष्ट्र सचिव सेवा लम्साल लगायत उच्चपदस्त सरकारी अधिकारीहरु भारत प्रस्थान गरेका थिए ।
प्रधानमन्त्री प्रचण्ड आज साँझ स्वदेश फर्किने कार्यक्रम रहेको छ ।
