काठमाडौं । नवलपरासी (बर्दघाट सुस्तापूर्व) मा हावा, हुरीले रुख ढल्दा च्यापिएर एक जनाको मृत्यु भएको छ ।
जिल्लाको मध्यविन्दु नगरपालिका १२ मा हुरीले ढलेको रुखमा च्यापिएर सोही ठाउँका स्थानीय ६९ वर्षीय चित्रबहादुर थापाको मृत्यु भएको हो । ठुलो पोखरा सामुदायिक वनमा बाख्रा चराउन गएका थापाको आज बिहान हुरीले ढालेको रुखमा च्यापिएर मृत्यु भएको जिल्ला प्रहरी कार्यालय नवलपरासी (बर्दघाट सुस्तापूर्व) का प्रहरी नायब उपरीक्षक वेदबहादुर पौडेलले बताए ।
वनमा उद्धार गर्न गएका सुरक्षाकर्मीले उनलाई मृत अवस्थामा फेला पारेका हुन् । थापाको शव परीक्षणका लागि मन्ध्यविन्दु अस्पतालमा पठाइएको प्रहरीले जनाएको छ ।
