पोखरा । गण्डकी प्रदेशका मुख्यमन्त्री खगराज अधिकारीले आइतबार विश्वासको मत लिने भएका छन् ।
प्रदेशसभा सचिवालयका अनुसार मुख्यमन्त्री अधिकारीले विश्वासको मत लिने गरी २३ गते आइतबार दिउँसो ३ बजे बस्ने गरी प्रदेशसभा बैठक आह्वान गरिएको छ ।
केन्द्रमा सत्ता गठबन्धनमा भएको फेरबदलसँगै एमाले गण्डकी प्रदेश संसदीय दलका नेता अधिकारी गत चैत्र २५ गते मुख्यमन्त्रीमा नियुक्त भएका थिए । मुख्यमन्त्री नियुक्त भएको ३० दिनभित्र मुख्यमन्त्रीले प्रदेशसभामा विश्वासको मत लिनुपर्ने संवैधानिक व्यवस्था रहेको छ ।
अधिकारीले एमालेका २२, सभामुखसहित माओवादी केन्द्रका ८ र राजिव गुरुङ ‘दिपक मनाङ्गे) सहित ३१ जना सांसदको समर्थनमा मुख्यमन्त्रीमा नियुक्त भएका थिए । नेपाली कांग्रेसले सभामुखको समर्थनमा अधिकारी मुख्यमन्त्री नियुक्त भएको भन्दै सर्वाेच्च अदालतमा रिट दर्ता गरेको थियो ।
सर्वाेच्च अदालतले भने कांग्रेसको उक्त रिट खारेज गरिसकेको छ ।
