काठमाडौं । त्रिशुली नदीको किनारामा बालुवाले पुरिएको अवस्थामा गणपति डिलक्स लेखिएको बस भेटिएको छ।
तनहुँको आबुखैरेनी– ५ दोन्द्राङबेसी नजिकै त्रिशुली नदीको किनारामा पुरिएको अवस्थामा जसको पाटपुर्जा भेटिएको हो ।
पाटपुर्जा भेटिएपछि खोजी कार्यको लागि सशस्त्र प्रहरी बल नेपाल नम्बर १७ गण चितवन र नम्बर २३ मनकामनागण भानु तनहुँबाट खट्टिएको टोलीले बस फेला पारेको हो।
२०८१ साल असोज २८ गते वीरगञ्जबाट काठमाडौँ आउँदै गरेको बागमती प्रदेश ०३–००६ ख १५१६ नम्बरको एन्जल डिलक्स र काठमाडौँबाट रौतहट गौरका लागि छुटेको बागमती प्रदेश ०३–००१ ख १४९५ नम्बरको गणपति डिलक्स बस माथिबाट आएको पहिरोसहित लेदोले बगाउँदा त्रिशुली नदीमा खसेको खसेका थिए ।
एन्जल डिलक्समा ३८ जना र गणपति डिलक्समा २७ जना यात्रु सवार रहेका थिए। जसमध्ये तीन जनाले हाम फालेर ज्यान जोगाएका थिए । बाँकी ६२ जना यात्रु बेपत्ता रहेका थिए। जसमध्ये १३ जनाको सब निकालिएको थियो भने अन्य हालसम्म पनि बेपत्ता छन् ।
