काठमाडौं । राष्ट्रिय स्वतन्त्र पार्टी (रास्वपा) को केन्द्रीय समितिको बैठक जारी रहेको छ । आज बिहान साढे ८ बजेबाट स्वयम्भु स्टार ब्याङकेटमा रास्वपाको केन्द्रीय समितिको बैठक सुरु भएको हो ।
आज र भोली गरी दुई दिन सम्म चल्ने रास्वपाको केन्द्रीय समितिको बैठकको आज पहिलो दिनको सुरुवातीमा समसामयिक राजनीतिक छलफल र रिर्पाेटिङ हुनेको साथै स्थानीय तह उपनिर्वाचनको विषयमा समिक्षा भैरहेको रास्वपाका कार्यवाहक महामन्त्री कबिन्द्र बुर्लाकोटीले जानकारी दिए ।
बुर्लाकोटीका अनुसार आजको बैठकमा संगठन समिक्षा र संगठन रणनीति, सहकारी सम्बन्धी अध्यादेश- २०८१, संसदमा दर्ता भएका विद्येयक र पार्टीका धारणा सम्बन्धी छलफल, पार्टी संरचना सम्बन्ध लगायतका विषयमा छलफल हुने बताए ।
बैठकको दोस्रो दिन भोली संविधान परिमार्जन सम्बन्धका साथै प्रस्तावनाको व्याख्या एवम् सर्वाङ्गीण विकासको भावी रोडम्याप, केन्द्रीय समिति, सल्लाहकार परिषद् र थिङ्कट्याङ्क एवम् केन्द्रीय विभागको पुर्नसंरचना लगायतका विषयमा छलफल हुने कार्यवाहक महामन्त्री बुर्लाकोटीले जानकारी दिए ।
सभापति रवि लामिछानेलाई सहकारी ठगी, संगठित अपराध र सम्पत्ति शुद्धिकरण मुद्दालागेपछि कार्यवाहक सभापतिको जिम्मेवारी उपसभापतिको जिम्मेवारीमा डिपी अर्याल रहेका छन् ।
