बिहीबार , मंसिर ४ गते २०८३    

बिहीबार , मंसिर ४ गते २०८३    

एनपीएल

आन्द्रेसको शतकमा लुम्बिनीमाथि पोखराको शानदार जित, बने यस्ता कीर्तिमान

आन्द्रेसको शतकमा लुम्बिनीमाथि पोखराको शानदार जित, बने यस्ता कीर्तिमान

यो सँगै आन्द्रेश एनपीएलमै सबै भन्दा छिटो अर्धशतक र पहिलो शतक प्रहार गर्ने खेलाडीको कीर्तिमानी बनाए ।

शुक्रबार, मंसिर २१ २०८१
शुक्रबार, मंसिर २१ २०८१
  • काठमाडौं । नेपाल प्रिमियर लिग (एनपीएल) मा लुम्बिनी लायन्समाथि पोखरा एभेन्जर्सले शानदार जित निकालेको छ । 

    पोखराका ओपनर आन्द्रेस गौसको आक्रमक शतक र दिनेश खरेलको उत्कृष्ट ब्याटिङमा पोखराले लुम्बिनीमाथि १० विकेटको जित दर्ता गरेको हो । लुम्बिनीले दिएको १७१ रनको लक्ष्य पोखराले १६.५ ओभरमा विना विकेटको क्षतीमा पुरा ग¥यो । 

    पोखराको जितमा २० बलमै अर्धशतक प्रहार गरेका गौसले ५४ बलमा शतक प्रहार गरे । गौसले ५५ बल खेल्दै अविजित १०४ रन जोडे । उनले १२ चौका र ५ छक्का नै प्रहार गरे । यसैगरी विजयी छक्का प्रहार गरेका दिनेशले ४६ बल खेल्दै अविजित ६१ रन जोडे । उनले ४ चौका र ४ छक्का प्रहार गरे ।

    यो सँगै आन्द्रेश एनपीएलमै सबै भन्दा छिटो अर्धशतक र पहिलो शतक प्रहार गर्ने खेलाडीको कीर्तिमानी बनाए । यसअघि सुदूरपश्चिमका कप्तान दीपेन्द्र सिंह ऐरीले विराटनगर किंग्स विरुद्ध २३ बलमा अर्धशतक हानेका थिए ।

    एनपीएलमा यो पहिलो विकेटका लागि पहिलो शतकिय साझेदारी हो भने समग्रमा तेस्रो शतकिय साझेदारी हो । यसअघि पहिलो विकेटका लागि जनकपुर बोल्ट्सका अनिल शाह र आसिफ शेखले कर्णाली याक्स विरुद्ध पहिलो विकेटका लागि ८४ रनको साझेदारी गरेका थिए ।

    यसैगरी गौस र दिनशले पहिलो विकेटका लागि गरेको  नरको साझेदारी एनपीएलकै उच्च साझेदारी समेत हो । यसअघि उद्घाटन खेलमै जनकपुर बोल्ट्सका लाहिरु मिलान्था र  हर्श थाकरले विराटनगर किंग्स विरुद्ध तेस्रो विकेटका लागि अविजित ११६ रनको साझेदारी गरेका थिए । गौस र दिनेशले त्यो साझेदारीको कीर्तिमान तोडेका हुन् ।

    यस अघि पहिला ब्याटिङ गरेको लुम्बिनी लायन्सले निर्धारित २० ओभरमा ५ विकेट गुमाएर १७० रन बनाएको थियो ।

    लुम्बिनीका लागि कप्तान रोहित पौडेलले उत्कृष्ट ब्याटिङ गरे । उनी ५९ बलमा ९५ रनमा आउट भए । उनले चौथो विकेटका लागि टम मुर्ससँग शतकीय साझेदारी गरेका थिए । मुर्स ४५ रनमा आउट भए ।

    लुम्बिनीका दुई ओपनर शून्य रनमा आउट हुँदा सन्दीप जोरा १८ रन बनाएर आउट भए । विवेक २ रनमा अविजित रहे ।

    बलिङमा पोखराका विपीन खत्रीले २ र म्याट क्रिट्ले एक विकेट लिए ।

     

    प्रतिक्रिया दिनुहोस्
    images
    images
    लोकप्रीय
    सम्बन्धित समाचार