काठमाडौं । नेपाल प्रिमियर लिग (एनपीएल) को उद्घाटन खेलमा जनकपुर बोल्ट्सविरुद्ध विराटनगर किंग्सका मार्टिन गप्टिलले अर्धशतक प्रहार गरेका छन् ।
त्रिवि क्रिक्रेट मैदानमा टस हारेर पहिला ब्याटिङ गरेको विराटनगरका लागि गप्टिलले ३६ बलमा अर्धशतक पूरा गरेका हुन् । ४३ बलको सामना गरेका गप्टिलले एक छक्का र ७ चौकाको मदतमा ५५ रन जोडेर आउट भए ।
१८ ओभरको समाप्तिमा विराटनगरले ९ विकेटको क्षतीमा ११९ रन जोडेको छ ।
