काठमाडौं । कोशी ब्यारेजबाट सप्तकोशीमा खसेका बसबाट २० जना यात्रुको उद्धार गरिएको छ ।
नदीमा खसेको बसबाट २० जनालाई उद्धार गरेर अस्पताल पठाइएको जिल्ला प्रहरी कार्यालय सुनसरीका प्रमुख विपीन रेग्मीले जानकारी दिए । विराटनगरबाट उदयपुरको गाइघाटतर्फ जाँदै गरेको को १ ख ४६०१ नम्बरको बस कोशी ब्यारेजको ३५ नम्बर ढोकाबाट नदीमा खसेको थियो ।
तीव्र गतिमा गएको बस चिप्लीर नदीमा खसेको थियो । बसमा कति जना यात्रु सवार थिए भन्ने नखुलेको र बसलाई नदीबाट निकाल्ने प्रयास भैरहेको जनाइएको छ ।
