काठमाडौं । श्रीलंकाका लागि प्रस्तावित राजदूत रामकृष्ण भट्टराईले आफ्नो नाम फिर्ता लिएका छन् ।
भट्टराईको नाम राजदूतमा प्रस्ताव भएर संसदीय सुनुवाई समितिमा पुगेपछि समितिले भट्टराईलाई स्नातक तह उत्तिर्ण गरेको प्रमाणपत्र माग गरेको थियो । भट्टराईले उक्त प्रमाणपत्र दिनुको सट्टा राजदूतबाट आफ्नो नाम फिर्ता लिएका हुन् ।
संसदीय सुनुवाई समिति सभापति ईश्वरी न्यौपानेले भट्टराईले मंगलबार राजदूतबाट आफ्नो नाम फिर्ता लिएको जानकारी दिइन् । भट्टराईले अन्तिम समयमा आएर ११ गते सम्मलाई समय माग गरेका थिए । तर समितिले ४५ दिन कटाएर समय दिन सकिन्न भनेपछि उनले आफ्नो नाम फिर्ता लिएका सभापति न्यौपानेले बताइन् ।
