काठमाडौं । भारतीय विदेश सचिव विक्रम मिश्रीले प्रधानमन्त्री केपी शर्मा ओलीसँग भेटवार्ता गरेका छन् ।
आज बिहान दुई दिने भ्रमणका लागि नेपाल आइपुगेका मिश्रीले सिंहदरबार पुगेर प्रधानमन्त्री ओलीसँग भेटवार्ता गरेका हुन् । नेपालमा ओली नेतृत्वको सरकार बनेपछि भारतको यो पहिलो उच्च अधिकारीको भ्रमण हो ।
परराष्ट्र सचिव सेवा लम्सालको निमन्त्रणामा नेपाल भ्रमणमा आएका भारतीय विदेश सचिव मिश्रीले नेपाल भ्रमणका क्रममा नेपाल–भारत सम्बन्ध विस्तार र द्धिपक्षीय विषयका विविध पक्षमा छलफल गर्ने जनाइएको छ ।
