बिहीबार , मंसिर ४ गते २०८३    

बिहीबार , मंसिर ४ गते २०८३    

एनपीएल

विराटनगरलाई हराउँदै लुम्बिनी फाइनलमा, उपाधिका लागि सुदूरपश्चिमसँग भिड्ने 

विराटनगरलाई हराउँदै लुम्बिनी फाइनलमा, उपाधिका लागि सुदूरपश्चिमसँग भिड्ने 

यो जितसँगै लुम्बिनीले अब उपाधिका लागि सुदूरपश्चिम रोयल्सँग प्रतिस्पर्धा गर्नेछ । 

बिहीबार , मंसिर २६ २०८२
बिहीबार , मंसिर २६ २०८२
  • काठमाडौं । लुम्बिनी लाइन्सले विराटनगर किंग्सलाई हराउँदै सिद्धार्थ बैंक नेपाल प्रिमियर लिग (एनपीएल) सिजन– २ को फाइनलमा प्रवेश गरेको छ । 

    त्रिवि क्रिकेट मैदानमा पहिला ब्याटिङ गरेको लुम्बिनीले दिएको १३५ रनको लक्ष्य पछ्याएको विराटनगर १७.५ ओभरमा अलआउट हुँदै ९४ रनमा समेटियो । 

    विराटनगरका लागि साम हिजलेटले सर्वाधिक ३४ रनको योगदान दिए । नरेश भट्टले २१ रन बनाउँदा मार्चेन डि लेङले १७ रन बनाउनु बाहेक अन्य ब्याटरले राम्रो ब्याटिङ गर्न सकेनन् । विराटनगरलाई सस्तैमा समेट्न लुम्बिनीका तिलक भण्डारीले सर्वाधिक ३ विकेट चट्काए । 

    त्यस्तै रुवेन ट्रम्पलम्यान, जेजे स्मिथ र अभिषेक गौतमले समान २–२ विकेट लिँदा शेर मल्ले एक विकेट लिए । 

    यस अघि पहिला ब्याटिङ गरेको लुम्बिनीले निर्धारित २० ओभरमा ८ विकेटको क्षतीमा १३४ रनको योगफल तयार गरेको थियो । लुम्बिनीका लागि ओपनर डार्सी सर्टले सर्वाधिक ४५ रनको योगदान दिए ।

    त्यस्तै कप्तान रोहित कुमार पौडेलले ३४ रन बनाए । शेर मल्ल ७ रन बनाएर आउट हुँदा रुबेन ट्रम्पप्यानले नटआउट ११ रन बनाए ।

    बलिङतर्फ विराटनगरका सवाश भण्डारी र प्रतिश जिसीले समान ३–३ विकेट लिए भने कप्तान सन्दीप लामिछानेले दुई विकेट लिए ।

    आज विराटनगरलाई ३४ रनले पराजित गरेसँगै लुम्बिनीले फाइनलमा आफ्नो स्थान पक्का गरेको हो । यो जितसँगै लुम्बिनीले अब उपाधिका लागि सुदूरपश्चिम रोयल्सँग प्रतिस्पर्धा गर्नेछ । 

     

     

     

    प्रतिक्रिया दिनुहोस्
    images
    images
    लोकप्रीय
    सम्बन्धित समाचार