काठमाडौं । नेकपा (एमाले) का नेता पासाङ शेर्पा पक्राउ परेका छन् । बहुविवाह मुद्धामा उनलाई धुम्बाराहीबाट प्रहरीले पक्राउ गरेको हो ।
जिल्ला प्रहरी परिसर काठमाडौंका एसएसपी रमेश थापाले पासाङ पक्राउ परेको पुष्टि गरे । एमाले जनसंगठन जनजाती महासंघका अध्यक्ष रहेका उनीविरुद्धको बहुविवाह मुद्धामा उच्च अदालत पाटनले गत वर्ष दोषी ठहर गरेको थियो ।
पासाङकी श्रीमती करिश्मा खरेलले जिल्ला अदालत काठमाडौंमा मुद्धा दायर गरेकी थिइन् । अदालतले दोषी ठहर गर्दै एक वर्ष कैद र पाँच हजार जरिवानाको सजाय सुनाएकोमा त्यसविरुद्ध उनी उच्च अदालत पुगेका थिए ।
उच्चले पनि जिल्लाको आदेश सदर गरे पनि राजनीतिक संरक्षणमा उम्किदै आउका उनी अहिले एमाले अध्यक्ष केपी शर्मा ओलीको सुरक्षामा खटिएका थिए ।
